Marka bereziak
Marka bereziak, berriz harrapatu behar izan gabe, hegaztiak indibidualki identifikatzea baimentzen duten bereizgarriak dira. Eraztun metalikoa erabiliz egiten den eraztunketaren osagarriak dira eta tamaina guztietako hegaztiekin erabiltzen badira ere, bereziki hegazti handietan dira erabilgarriak.
Orokorrean, marka mota hau duten aleak bizitzan behin baino gehiagotan behatzen dira eta honek, banako bakoitzaren historia osatzea baimentzen du.
Gerora, ikertzaileek informazio hau erabiliz mugimendu-patroia, jokabidea, biziraupena etab. aztertzen dituzte. Informazio mota hau erabilita egin litezkeen ikerketen adibide modura, hemen dituzu deskarga ditzakezun artikulu bi:
- Arizaga, J., Herrero, A., Aldalur, A., Cuadrado, J. F. 2015. Primeras observaciones de gaviotas patiamarillas Larus michahellis Naumann, 1840 de origen cantábrico en la cuenca del río Ebro. Munibe 63: 155-162.
- Arizaga, J., Herrero, A., Aldalur, A., Cuadrado, J. F., Oro, D. 2015. Effect of pre-fledgling body condition on juvenile survival in Yellow-legged Gulls Larus michahellis. Acta Ornithologica 50: 139-147.
Atari hau marka bereziak dituzten hegaztien behaketak biltzeko asmoz sortu da. Behaketak sartzen dituzunean ale bakoitzaren historiala jasoko duzu.
Nola bidali marka berezien behaketak
Lehenik eta behin, atarian alta egin behar duzu. Horretarako, menuaren aukera zerrendan “Erregistratu zaitez!” aukeran sakatu.
- Alta egin ostean “Nire behaketak”-en sartu eta zure behaketak sartu. Ondoren, mapan behaketa gunea aukeratu (mapan zure eremua sakatu) eta datuaren xehetasunak sartzeko formularioa irekiko da.
- Zure datuak (behaketak) ikusi eta historiekin batera deskargatzeko “Nire behaketak”-en sakatu.
Kontaktua
Galderaren bat baduzu marcas@aranzadi.eus helbide elektronikora idatz diezagukezu.
© Aranzadi